Брзи лепињи полнети со сирење (ВИДЕО)

Брзи лепињи полнети со сирење (ВИДЕО)

Идеални за доручек или за ужина! Овие лепињи се прават брзо, а можете да ги послужите со кисело млеко и павлака.

Состојки:

  • малку квасец
  • малку прашок за пециво
  • 50 мл вода
  • 1 јогурт или кисело млеко
  • 300-400 гр брашно
  • 100 гр путер
  • 1 лажица шеќер
  • малку сол
  • 200 гр фета сирење
  • масло

Начин на подготовка:

  1. Квасецот потопете го во вода и додајте шеќер, па кога ќе се растопи додајте кисело млеко или јогурт, потоа половина од брашното, сол и малку прашок за пециво. Измешајте, па додајте го остатокот од брашно и со раце замесете тврдо тесто. Тестото покријте го и оставете го малку да одмори – 15 минути.
  2. Развлечете го тенко на половина см и премачкајте го со путер и свиткајте.
  3. Потоа исечете на должина 4-5 см, па со сукало развлечете на половина см во округли лепињи со големина на чинија.
  4. На половина на лепињите ставете сирење и преклопете со друга половина,
  5. Пржете ги во тава на малку масло. Вадете ги на хартиени салфети, па послужете.

Повеќе на Готви.мк:

Баклава со вишни

Трилече – неверојатно вкусен домашен специјалитет

Неодоливо вкусна: Домашна торта со јагоди

„Катица“ торта

Возможно е – еве како да направиш торта за 10 минути

ВИДЕО: Рецепт за еклер чоколадна торта која не се пече

За секоја прослава – Тигар торта