Оваа вкусна и калорична чорба нема да ве остави рамнодушни!
Состојки:
- 2 главици кромид
- 1 чешне лук
- 4 лажички маслиново масло
- 100 гр бел грав (зготвен)
- 100 мл млеко
- сок од 1 лимон
- 1 црвена пиперка
- 1/2 чили пиперка
- 1 лажичка концентрат од домати
- прстофат шеќер
- 40 исчистени ореви
- 2 лажички павлака за готвење
- прстофат сув рузмарин
- 2 парчиња тост леб
Начин на подготовка:
- Кромидот и лукот исечкајте ги. Половина од количината кромид и лук пропржете ги на лажичка масло, додајте грав, вода од гравот (околу 250 мл) и млеко па поклопено гответе на слаб оган околу 15 минути. Чорбата потоа измешајте ја со миксер и зачинете ја по вкус со сол, бибер и сок од лимон.
- Пиперката исчистете ја и исечете ја на мали парчиња, а чили пиперката исечкајте ја ситно. Пиперките потоа пропржете ги на лажичка масло со останатиот кромид и лук, измешајте концентрат, а потоа зачинете со сол, бибер и шеќер. Измешајте ги пиперките во чорбата.
- Оревите ситно исечкајте ги, пропржете ги на 2 лажички масло па измешајте ги со павлака и рузмарин и додајте ги во чорбата.
- Тост лебот пропржете го да добие златна боја, исечете го на коцки, кои ќе ги распоредите по порциите.
Добар апетит!
Цезар салата + 2 рецепта за дресинг соса
Свежа салата која топи килограми и ја враќа концентрацијата
Топ 5 рецепти за пролетни салати со марула
Малиџано – одличен домашен рецепт