Кога држат диета, многумина не се свесни дека многу е важно и кои пијалаци ги конзумираат бидејќи постојат некои кои содржат голем број калории, па така го саботираат процесот на слабеење.
Многу е важно да обратите внимание на нутритивната и енергетската вредност на секоја напивка. Од друга страна, постојат и пијалаци кои поволно делуваат на слабеењето, а тоа се:
Вода
Најважниот сојузник во слабеењето е водата која учествува во метаболичките процеси во телото. Додека 20 отсто од водата се надохнадува преку внесот на храна, остатокот е потребно да се внесе како течност. Водата не содржи калории, па затоа претставува најдобар избор за надохнада на течности при слабеење.
Кофеин
Тука спаѓаат кафето и чајот. Кафето се препорачува без засладувачи, а доколку користите млеко со кафето, потрудете се да биде обезмастено. Корисно е да пиете зелен чај бидејќи има благотворно дејство на целокупното здравје, но и придонесува во намалувањето на телесната тежина. Некои состојки кои ги има во овој чај ја зголемуваат потрошувачката на енергија и го забрзуваат метаболизмот.
Природен сок
Најздрав сок е оној кој самите ќе го подготвите, како што е сок од портокал или лимон. Доколку сокот од свежо исцедено овошје ви е густ, секогаш можете да додадете вода и да го разредите. Можете во сокот да ставите и мед, доколку преферирате сладок вкус.
Вистински специјалитет – Бургер од растурено пилешко со барбекју сос
Салата која летово ќе ја правите секој ден
Англиски погачици со чедар – ќе ги правите во секоја прилика
Полнети тиквички по најдобар рецепт