Нека на вашата трпеза се најдат вкусни ќофтиња со сос од вино…
Состојки:
- 500 гр мелено месо
- 1 јајце
- 1 главица кромид
- 4 чешниња лук
- сол
- бибер
- сув зачин
- масло за пржење
Состојки за сос:
- 2 лажици брашно
- 1 лажица сенф
- 200 мл бело вино
- 40 гр путер
- бибер
- сол
- сув зачин
Начин на подготовка:
- Соединете ги месото, ситно сечкан кромид и лук, зачините и јајцата. Измешајте добро за смесата да биде погодна за обликување. Од подготвената смеса правете мали ќофтиња.
- На умерена температура, на малку масло, испржете ги ќофтињата додека не добијат златна боја.
- Пржените ќофтиња наредете ги на чинија и покријте ги со алу-фолија, па оставете ги на страна, на топло.
- За сосот во посебен сад растопете путер и додајте брашно, па кратко пропржете со непрекинато мешање, водејќи сметка да брашното не ја промени бојата. Додајте сенф и измешајте, па брзо додајте вино и повторно измешајте ги состојките. Зачинете по вкус и гответе на умерена температура додека сосот не добие густина.
- Пржените ќофтиња сервирајте ги на чинија и прелијте ги со сос.
- Послужете со пире компир и салата.
Добар апетит!
Супер брз и вкусен домашен сос за хамбургер или пилешко
Многу вкусно – потпечена тава со пилешко месо и печурки
Кинеска кујна: Како да зготвите брокула со пилешко