Уште вакви скуши немате пробано! (ВИДЕО)

Оброкот со месо понекогаш заменете го со риба. Ќе бидете и повеќе од задоволни, но и сити.

Скушата добро исчистете ја. Извадете ја внатрешноста, отсечете ја главата и добро измијте ја од крв. Во тенџере ставете 500 мл вода и 100 мл киселина, па во тоа ставете ја скушата да отстои 30 минути, а потоа извадете ја и добро измијте ја под млаз студена вода.
Во сад ставете сенф, па додајте ситно сечкан магдонос, лук, сечкан рузмарин, маслиново масло, мелен бибер, зачин, па сè добро измешајте. Со тоа наполнете ги скушите и премачкајте ги од горе. Полијте со бело вино и со уште малку маслиново масло.
Прекријте ги рибите со фолија и ставете ги во рерна на 200 степени околу 20 минути. Потоа тргнете ја фолијата и печете ги скушите уште 20 минути убаво да поруменат. За време на печењето преливајте ги со маринадата од тепсијата во која се печат.
Со рибите како прилог послужете компир салата.

Добар апетит!