Направете вкусен посен полнет крап за денешната празнична трпеза.
Состојки:
- 1 крап
- 1 главица кромид
- 1 главица лук
- 2 моркова
- 1 пиперка
- 1 домат
- магдонос
- масло
- 1 лажичка брашно
- 1 лажичка црвен пипер
- 1 дл бело вино
- 1 лимон
сол, бибер, вегета
Подготовка:
- Исчистениот крап го посолуваме и од внатрешна страна и од надворешна страна и го наросуваме со бибер, па го засекуваме на неколку места, а во засеците ги редиме чешнињата лук и парчињата лимон.
- Целиот зеленчук ситно се сечка и се пропржува на загреано масло, кромидот, лукот, морковите, пиперката, доматот, и на крај магдоносот.
- Зеленчукот го посолуваме и го зачинуваме со бибер и со вегета па додаваме една лажичка брашно и една лажичка црвен пипер.
- Тавата за печење ја попрскуваме со масло. Крапот го полниме со содржината од зеленчук и го ставаме во тавата.
- Налеваме малку вода и бело вино.
- Се пече во загреана рерна на 180 степени 50 минути.
Диетално: Домашни брускети со домати и маслиново масло (видео)
ФОТО: Ѕирнете во Eqvita – ресторанот за здрава храна на Новак Ѓоковиќ
ВИДЕО: Драјв маркет – погледнете како ќе изгледа маркетот на иднината
ВИДЕО: Рецепт за леб кој не се меси