Еден од најубавите десерти може да се најде на вашата трпеза: Белградска торта со бадеми

Начин на подготовка:

1. Разматете 6 жолчки со 180 гр шеќер, па додајте 125 гр мелени бадеми, снег од 8 белки и 70 гр брашно. Калапот претходно намачкајте го со путер, посипете го со брашно, ставете го тестото во него и печете.
2. За филот, измешајте 10 жолчки со 210 гр шеќер, 50 гр брашно, додајте шипка ванила. Сè измешајте во помал сад и додајте половина литар млеко.
3. Гответе го кремот на шпорет на среден оган, непрекинато мешајќи. Кога кремот ќе згусне тргнете го од шпорет и мешајте додека не се излади. Во така изладениот крем измешајте 230 гр путер. Печената торта исечете ја на три дела и филувајте ја со овој крем.
4. Од околу и од горе намачкајте ја со истиот крем, па посипете ја со сечкани бадеми. До употребата, оваа торта чувајте ја на студено.