Рецепт за вкусна пица Маргарита

Класика на италијанската гастрономија… Вистинско богатство од медитерански ароми.

Издробете квасец и измешајте го со 125 мл топла вода. Оставете го да отстои 15 минути. Измешајте го квасецот со брашно, масло и лажичка сол. Тестото оставете го на топло место околу 45 минути.
Сите домати, освен еден, излупете ги и исечете ги на коцки. Исечкајте кромид и лук, па пропржете ги на лажичка масло. Додајте ги доматите и доматното пире, гответе 15 минути. Додајте оригано, сол и бибер по вкус. Останатиот домат исечкајте го на кругови, како и моцарелата.
Загрејте ја рерната на 220 степени, кратко замесете тесто, обликувајте голема пица (пречник 24 см), па поставете ја на намастен плех. Премачкајте ја со сос, наредете ги круговите домат и моцарела, прелијте со лажица масло и печете 25 минути. Посипете со босилек.

Добар апетит!