Костените на вака подготвено пилешко му даваат посебен вкус…
Состојки:
- 5 пилешки батаци без коски
- лажица маслиново масло
- 2 праза исечени на кругови
- сол и бибер
- шолја пилешки бујон
- шолја варени костени, исечени на четвртини
- 2 лажици сенф
- масло за пржење
Начин на подготовка:
- Пилешкото посолете го и побибирете го.
- Во тава загрејте масло на средна температура и пропржете го пилешкото околу 5 минути од секоја страна, додека не порумени, па префрлете го во чинија.
- Намалете ја температурата на ринглата и додајте исечкан праз во тавата, па и него зачинете го со сол и бибер. Пржете го додека не омекне, околу 5 минути. Додајте 2 лажици бујон и измешајте. Додајте ги и варените костени, како и остатокот од бујонот. Вратете го пилешкото во тавата. Поклопете ја тавата и оставете го јадењето да се готви уште 10-15 минути.
- На крај додајте сенф и послужете го пикантното пилешко.
Добар апетит!
Телешка супа со куркума и брокула