НЕДЕЛНА ВРЕМЕНСКА: Ќе се спасиме ли од дождот?

Времето во Македонија ќе биде променливо облачно со повремени врнежи од дожд. Најпрвин врнежите ќе започнат во северозападните делови од земјата, а во текот на денот ќе се прошируваат кон исток. Повеќе врнежи ќе има во ноќните часови кон понеделник, особено во југоисточните делови каде ќе има услови за ретки грмежи. Ќе дува слаб до умерен ветер од јужен правец.Утринската температура ќе се движи од три до 11, а дневната од 17 до 22 степена.

Во Скопје слично време, променливо облачно со повремен дожд и со слаб до умерен југоисточен ветер. Утринската температура ќе се спушти до осум, а дневната ќе се искачи до 19 степени.

Во текот на наредната недела ќе преовладува променливо облачно време со почести врнежи од дожд, но со послаб интензитет. Дневните температури благо ќе опаднат.