Ако правењето пица ви се чини како премногу комплицирано, бидејќи да се направи тестото е мачно, а готовите теста не се толку вкусни, имаме решение!
Земете векна леб и од неа направете феноменална пица која ќе ја изедете за момент!
Состојки:
- 1 округла векна леб
- 1 шолја сос од домати
- 220 гр моцарела
- 170 гр салама
- 1/2 главица исечкан кромид
- 1/2 шолја босилек
- 1 исечкана зелена пиперка
- 1 шолја исечкан кашкавал
Начин на подготовка:
- Загрејте ја рерната на 180 степени. Отсечете го врвот на лебот и извадете ја внатрешноста.
- Распоредете половина од сосот од домати по дното и прекријте со половина од количината моцарела, додајте салама, кромид, босилек, пиперка, останатиот сос и моцарелата. Потоа додајте и половина од кашкавалот и преклопете со парчето леб.
- Лебот замотајте го во фолија и притиснете го со некој тежок предмет и така оставете го 30 минути.
- Отстранете ја фолијата и одозгора додадете го останатиот кашкавал и пиперка.
- Печете 30 минути додека кашкавалот не поприми златна боја.
- Оставете да се излади 10 минути, исечете и послужете.
На здравје!
Сигурно не сте пробале: Направете солени рафаело бомбици
Похован кромид со кашкавал – идеално мезе за со пиво
ВИДЕО: рецепт за потпечен полнет компир
Хот-дог шпагети: Одличен рецепт кој и дете може да го направи