Не морате секој ден да станувате неколку часа порано за да готвите, доволно е само добро да се организирате. Издвојте малку време еден ден и подгответе оброци за цела работна недела!
Пробајте го овој вкусен и хранлив оброк и ќе бидете воодушевени!
Состојки:
- 600 гр пилешко бело месо
- сол, бибер
- 1 лажица сечкан лук
- 1/2 шолја соја сос
- 1/3 шолја мед
- 1 лажица сусам
- 1 главица кромид
- 2 пиперки
- брокули
Начин на подготовка:
- Пилешкото бело месо исечкајте го на коцки, па ставете го во тава со малку масло. Додајте сол и бибер и пропржете го месото. Потоа додајте лук, соја сос, мед и сусам и гответе додека сосот не згусне.
- Потоа извадете го пилешкото месо, па во сосот ставете една главица исечкан кромид, една исечкана пиперка и брокули, промешајте, поклопете па оставете да се динста неколку минути.
- На малку зготвен ориз ставете го зеленчукот и пилешкото, па додајте малку сусам.
Од подготвената количина можете да добиете четири порции, кои можете да ги чувате во фрижидер до четири дена. Сјајна идеја, зар не?
ВИДЕО: Брзи готварски трикови за совршени тестенини
Хот дог шпагети – одличен рецепт кој и дете може да го направи
Варите шпагети во тенџере? – правите голема грешка