Руска чоколадна торта со кокос

Начин на подготовка:

1. Прво направете топчиња од сирење така што ќе го измешате крем сирењето, 50 гр шеќер во прав, 3 лажици густин и две жолчки. Разматете со миксер и додајте кокос. Обликувајте топчиња од оваа смеса, наредете ги на хартија за печење и ставете ги во фрижидер.
2. Во сад измешајте две жолчки со шеќер во прав и разматете.
3. Чоколадото растопете го на пареа, па кога малку ќе се излади измешајте го во смесата со жолчките.
4. Изматете ги белките и додајте 15 гр шеќер во прав. Полека измешајте ги  со смесата од чоколадо.
5. Во друг сад измешајте 2 лажици какао, 2 лажици густин, 1 лажичка прашок за печиво, брашно и ванилин шеќер. Потоа оваа сува смеса измешајте ја со чоколадната смеса.
6. Наредете ги топчињата од сирење и кокос во калап за торти, па прелијте ги со чоколадната смеса. Печете околу 35 минути на 180 степени.
7. На крај прелијте со глазура која сте ја направиле од растопено чоколадо и кисела павлака. Фали уште само да се излади.