Читатели откриваат: Која е тајната за најлесно слабеење и согорување на калории?

Поради здравствени, но и естетски причини многумина од нас се во потрага по најдобриот рецепт за слабеење и топење на мастите и калориите.

Многумина од нас испробуваат различни диети – диета на база на месо, на основа на јадење на зеленчук и овошје, отстранување на јаглехидрати од исхраната и уште многу други диети и комбинации.

Наши читатели ни го откриваат нивниот начин со кој велат дека јадат обилно, не се лишуваат од ништо и што е најважно слабеат постепено и здраво.

Тие велат дека најобилниот оброк го јадат сабајле до 10 часот. Буквално што сакате – од обилни омлети, сендвичи, до специјалитети со сувомеснати производи.

За ужина јадат овошје или зеленчук, па дури и по некој десерт, како сладолед на пример 🙂

Вториот оброк го консумираат околу 17 или 18 часот. Оброк по избор, иако советуваат да биде збогатен со доста зеленчук и салати и да биде балансиран.

После 18 часот нема јадење, само течности и тоа без шеќер како чај, вода, кафе и слично.

Тоа е се, велат тие, резултатите не се вртоглави од ден на ден, туку доаѓаат континуирано и постепено секој месец. И што е најважно се навикнувате на начин на исхрана кој ќе ви ја држи линијата за цел живот.