Направете вкусна ладна супа во топлите летни денови со која ручекот ќе биде уште подобар. Еве што ви е потребно за овој специјалитет:
Состојки:
- 1 краставица
- 3 домати
- 1 пиперка
- 1 кромид
- 2 чешниња лук
- 0,5 дл маслиново масло
- 1 лажица балсамико оцет
- 5-6 листови босилек
- Сок од свежо цеден лимон
- сол, бибер и други зачини по желба
Подготовка:
- Гаспачо може да се подготви со излупен домат, но ако преферирате да не го лупите, можете и така. Ставете ги доматите во врела вода, па 1-2 минути во ледена вода, за лесно да ги излупите.
- Потоа, ставете ги доматите во сад, додадете ги маслиново масло, лимоновиот сок и балсамико оцетот, па добро измиксирајте.
- Зеленчукот исечете го на ситни коцки и ставете го во садот со доматите, па додадете и зачини. Лукот ситно исечете го и додадете го во садот.
- Смесата изматете ја со миксер, па додајте го босилекот.
- Пред послужување, изладете ја барем половина час во ладилник.
- На здравје!
Повеќе поврзани Gotvi.mk рецепти:
Телешка супа со куркума и брокула
Јагнешка чорба по традиционален рецепт