Огромни штети од поплавите, хуманост од сите страни, сеизмолозите смируваат дека ќе нема земјотрес

Цела недела по поплавите кои зафатија делови на Скопје, а каде особено беше погодено селото Стајковци, сеуште никој не излегува со конкретен рок кога можеме да очекуваме целосно санирање на првичнит штети.

Очигледно невремето нанело толку многу штети што е тешко да се одговори на прашањето кое сите ги интересира: Има ли крај на расчистувањето на калта? До кога ќе трае маката на жителите погодени од оваа природна катастрофа.

Истовремено, десетици или стотици илјади луѓе се мобилизирани и секој на свој начин се труди да помогне. Некој е на лице место во загрозените региони, многумина се на пунктовите за помош, а огромен број на хумани граѓани, компании и организации ширум цела Македонија донираат секој колку што може.

Целиот регион, па и светот веќе најави финансиска и друга помош за нашата земја, а донации се собираат во повеќе градови на Балканот.

И овојпат помеѓу граѓаните се појавија стравувања од можни земјотреси во Скопје, но сеизмолозите смируваат. Тие велат дека не постои никаква научна поврзаност помеѓу земјотресите и поплавите.