Леа повторно изненадува, и тоа се подразбира дека во позитивна смисла 🙂 Таа ни испраќа рецепт за полнети модри патлиџани кој ќе ве остави без здив. А, и сите на трпезата, па затоа летово овој специјалитет често ќе го готвите.
Состојки:
- 1/2 кг свежи шампињони
- 5 модри патлиџани
- 2-3 домати
- 2-3 чешниња лук
- 2-3 главици кромид
- 2 моркови
- 3-4 зелени пиперки
- магдонос
Начин на готвење:
- Се сечкаат кромидот, лукот, срцевината од модриот патлиџан, печурките, морковите и се пропржуваат со малку сол и бибер.
- Се полнат претходно обарените издлабени модри патлиџан.
- Врз секој наполнет црн патлиџан се ставаат тенки листови/парчиња од доматот, како и малку магдонос. Се печат во рерна на температура од 200 степени околу половина час додека да омекнат.
- Пред крај врз секој модар патлиџан се ставаат парчиња кашкавал.
- Доколку постите или се храните вегетаријански употребете тофу сирење наместо кашкавалот или воопшто направете ги без млечни производи.
На здравје!
Поврзани вести на Gotvi.mk:
Полнети печурки по најдобар рецепт
Топ 10 највкусни Gotvi.mk рецепти со печурки
Одличен рецепт – Потпечено мешано месо со печурки
Многу вкусно – потпечена тава со пилешко месо и печурки