ИКЕА се исмева, но вие фотографирајте храна на Инстаграм и јадете бесплатно каде сакате

Социјалните медиуми целосно ги променија нашите животи, а денес многу луѓе заработуваат пред сé благодарејќи на сопствената идеја и иницијативност на Facebook, YouTube, Twitter, Instagram…

„Тоа е храна. Не е натпревар. Ајде да се опуштиме” – им велат од ИКЕА на сите оние кои најпрво ја фотографираат храната, а потоа почнуваат да јадат.

Еден од начините на заработка по пат на интернет е и промоција на одредени производи на социјалните медиуми, бидејќи дел од светските компании се подготвени и да им платат на своите корисници за рекламирање на производите.

На овој начин заработуваат модните блогери – со промовирање и рекламирање на облека, чевли, козметика, фитнес тренери кои рекламираат фитнес опреми и слично, како и поединци кои рекламираат храна и пијалак од одредени ресторани и кафулиња.

Најголемиот услов е да имате голем број на следбеници на социјалните медиуми што ви дава популарност и можност производите кои ги рекламирате да ги видат што е можно повеќе луѓе.

Еден од ваквите примери е профилот на Инстаграм „Њујорк сити“ на кој може да се пронајдат фотографии од многубројни ресторани. Овој профил има преку 619 илјади следбеници.

„Познавам луѓе кои немаат платено оброк со месеци бидејќи различни ресторани им даваат бесплатни оброци по желба. Моите родители мислат дека е премногу лудо бидејќи се хранам како кралица. Јадам кавијар и јастог секоја вечер, секогаш сум на друго место и тоа е феноменално“ – изјави Џеки Габел, сопственичка на Инстаграм профилот “Noleftovers” кој има преку 150 илјади следбеници.