Француска пита од праски – рецепт за кој ви требаат 20 минути (видео)

Овој лесен и вкусен рецепт за пита од праски или француски тарт од праски е одлична идеја за освежување во кујната.

А, и периодот е одличен бидејќи праските се продаваат и по цена од 15 денари за килограм, така што приготвувањето на овој рецепт нема да ве чини премногу. Еве како да го направите:

Состојки:

3-4 праски
2 лажици шеќер
3 лажици џем од кајсии
40 гр растопен маргарин
8 кори за пита

Начин на подготовка:

Загрејте ја рерната на 180 степени. На плех за печење ставете хартија за печење.
Нанесете ја првата кора и убаво поминете ја со растопениот маргарин
Постапката повторете ја со останатите 7 кори за пита.
Праските исечете ги на половинки и извадете ја коската од секоја од нив. Исечете ги праските на тенки парчиња. Наредете ги парчињата рамномерно врз корите и посипете го шеќерот врз нив.
Ставете го плехот во загреаната рерна и печете околу 20 минути. Извадете го од рерна, причекајте малку да се олади питата и одозгора поминете ја со џемот од кајсии.

Целиот процес на подготовка на оваа брза и вкусна пита од праски погледнете го во видеото: