ВИДЕО: „Game of Thrones” – Разрешена е мистеријата

Мистеријата која ги мачи фановите на книгите “A Song of Ice and Fire” веќе 25 години, а гледачите на серијата “само” пет, конечно е разрешена.

За оние кои уште не го погледнаа финалето на “Game of Thrones”, сега е време да престанете да читате.

Имено, во десеттата епизода од шестата сезона конечно е откриено која е мајката на Џон Сноу.

Во “флешбекот” на Брен Старк, ја видовме сцената за која толку многу се зборуваше – Нед Старк влезе во Кулата на радоста во Дорн, и ја затекна својата сестра Лијана која штотуку се породила и на свет донела момче со темни очи.

Таа му го даде бебето на својот брат и му рече – “чувај го, ако Роберт дознае ќе го убие, знаеш дека ќе го направи тоа”, а потоа му шепна нешто и ја кажа својата славна реченица “вети ми, Нед”.

Лијана Старк беше затворена во Кулата на радоста, но гледачите на серијата не утврдија дали Регар Таргеријан ја зел против нејзина волја, или ја сокрил бидејќи биле љубовници. Во книгите, Старкови и Роберт тврдат дека била киднапирана, но сер Баристан Селми и Литлфингер изразија сомнежи дека таа доброволно побегнала со него.

Дали ова остава простор за мистерија кој е татко на Џон Сноу? Поголемиот дел од луѓето мислат дека теоријата “R+L=J” е конечно потврдена, но за волја на вистината, Лијана ниту во еден момент не потврди дека Таргеријан е неговиот татко.