Ван Гог во Охрид: „Каква луда ноќ, публика и амбиент за медал“

Каква луда ноќ, публика и амбиент за медал. БРАВО, прекрасни луѓе…

Ова на нивниот официјален профил на Фејсбук го напишаа членовите на познатата српска група „Ван Гог“, по настапот на Долни сарај во Охрид.

Фронтменот на „Ван Гог“ Звонимир Ѓукиќ во свое и во име на членовите на групата на прес конференцијата пред концертот рече дека за нив преставува голема чест во годината кога одбележуваат 30-години од формирањето да бидат дел од „оф-програмата“ на „Охридско лето“.

– Мило ми е што фестивалот „Охридско лето“ го менува својот курс и го проширува креативниот метаболизам во некоја друга насока, различно од вообичаениот класичниот, кој изминатите години беше негова главна определба, изјави Ѓукиќ.

Заблагодарувајќи се на поканата, тој истакна дека Долни Сарај, каде ќе се одржува концертот е фантастичен, божествен простор за настапување, место на кое публиката ќе може и визуелно да ги доживее нотите и стиховите на „Ван Гог“.

„Ван Гог“ пред неколку месеци го објави изданието „Ако станемо губимо све“, на кое се сместени освежени аранжмани на 12 од нивните најпознати песни.