Речиси нема човек кој не е љубител на палачинки. Тие се прават секаде низ светот на различни начини, но сепак, за оние кои сакаат да се насладуваат, а да не стават килограм повеќе, Gotvi.mk нуди рецепт за интегрални палачинки кои ќе ви станат омилен десерт.
Состојки:
- 100 гр интегрално брашно
- 25 гр пченкарно брашно
- 2 лажици кафеав шеќер
- 1 лажица мелени ореви
- 1/2 лажица сода
- малку сол
- малку шеќер
- 1 јајце
- 300 мл млеко со мала масленост
- 100 гр шумско овошје
Начин на подготовка:
- Измешајте ги во еден сад двата вида брашно, солта, шеќерот, јајцето, содата, млекото и оревите додека да добиете густина како тесто за палачинки.
- Во тава на оган со малку масло направете ги палачинките на вообичаен начин. На секоја врела палачинка ставете од шумското овошје и врз неа ставете друга палачинка.
- Потоа, вака направетите палачинки ставете ги во плех во рерна и печете ги 10 минути на 180 степени.
- Откако ќе ги извадите од рерна може да ги декорирате со шеќер во прав или сечкано свежо овошје.
На здравје!
Повеќе рецепти на Gotvi.mk:
За сите гурмани – Палачинки кватро салами
Американски палачинки по врвен, а едноставен рецепт