Сладолед за трезнење со вкус на грејпфрут

Јужнокорејска компанија лансираше во петокот сладолед за трезнење наречен Gyeondyo, што во превод значи „држи се“, a според компанијата е создаден специјално за справување со ефектите од мамурлакот.

Населението во Јужна Кореја е најголемиот потрошувач на алкохол во Азија, најчесто се консумира групно, со 12,3 литри по глава на жител, според извештајот на Светската здравствена организација (СЗО- WHO) од 2014 година.

Во оваа земја на лекувањето мамурлак годишно се трошат дури 126 милиони долари, на препарати од таблети до напивки и козметички производи. Во јужнокорејските ресторани традиционално се послужува и супа за мамурни.

Сладоледот има вкус на грејп и содржи 0,7 отсто сок од ориенталното бонбон дрво, познато и како „јапонско суво дрво“, кој е традиционален корејски лек против мамурлакот од XVII век.