Леона го направи својот кам бек на Gotvi.mk со оваа неодоливо вкусна мусака со тиквички. Еве како да ја приготвите:
Состојки:
- 1 модар домат
- 2 тиквички
- 150 гр козји кашкавал
- 200 гр свежи шампињони
- 1 павлака за готвење
- сол и лукче по вкус
- масло за јадење
Начин на готвење:
- Измијте ги убаво модриот домат, тиквичките и шампињоните. Во подмачкана тава со масло за готвење, наредете го модриот домат исечкан на рамномерни кругови.
- Одозгора наредете го козјиот кашкавал на ситни парчиња, ситно сечканите свежи печурки, како и малку свежо лукче и зачини по вкус.
- Наредете ги тиквичките исечкани на рамномерни тркалца. Истурете ја одозгора павлаката за готвење рамномерно на целата површина.
- Печете 30тина минути во рерна на температура од 180 степени.
На здравје!
Поврзани вести на Gotvi.mk
Тоа е тој вкус – Мусака во земјена тава
Плескавица во пица лепче со кајмак