Поскапување на цигарите – еве која храна ќе ви помогне да се откажете од пушењето

Од петок малопродажната цена на цигарите се очекува да се зголеми за 3 денари според календарот за зголемување на акцизите, пишуваат денеска дел од медиумите. Измените во Законот за акцизи донесени пред три години предвидуваат етапно поскапување на цигарите во наредните 10 години.

Но, како полесно да се откажете од пушењето со цел да го зачувате вашето здравје, но и да заштедите?

Според едно израелско истражување Омега-3 масните киселини можат да им помогнат на луѓето при откажување од пушење цигари.

Консумирањето на додатоци на исхраната богати со Омега-3 и храна богата со Омега-3 масни киселини помага за намалување на потребите од никотин кај пушачите.

Во истражувањето учествувале 48 пушачи на возраст од 18 до 45 години, кои во текот на еден месец консумирале додатоци во исхраната богати со Омега-3 и на крајот од истражувањето дневно пушеле по две цигари помалку од оние лица кои добивале плацебо.