ФОТО: „Македонско село“ – магнет за домашните гости и странските туристи

Новоотворениот комплекс „Македонско село“ е лоциран во с. Нерези во близина на манастирот „Св. Пантелејмон“. Комплексот е изграден во традиционалниот дух на македонската архитектура од 19 и 20 век, составен од шеснаесет автентични куќи со вкупен сместувачки капацитет од 100 гости.

Посетителите на “Македонско село” ќе можат да уживаат во богатите вкусови на храната и амбиентот на трите ресторани: „Македонски Ан“, „Антигона“ и „Етно“ бар кои нудат различна гастрономска понуда.

Сите страсни љубители на чаша добро вино во винската визба на “Македонско село” ќе имаат можност да ги дегустираат, купат и научат нешто повеќе за најубавите македонски вина кои се надалеку познати по својот врвен квалитет.

Етно амбиентот на комплексот е надополнет со занаетчиски работилници каде гостите ќе можат да се запознаат со традиционалните стари занаети карактеристични за нашето поднебје. За најмладите, децата, живописноста на македонското село ќе биде збогатена со домашни животни.

На јавно наддавање, „Квинс“ и „Тинекс“ беа избрани како најповолни понудувачи и ќе стопанисуваат со комплексот во наредните 20 години.

Повеќе фотографии погледнете на Facebook страната на Тинекс.