Автентични куќи, хотел, ресторани… Отворен комплексот „Македонско село“

Тинекс свечено го отвори комплексот „Македонско село“, лоциран во село Нерези, во близина на манастирот „Св. Пантелејмон“.

Етно-комплексот се простира на површина 12.000 метри квадратни и е изграден во стилот на традиционалната македонска архитектура. Има автентични куќи од различни краишта на Македонија со сместувачки капацитет за сто гости. Во состав на комплексот се наоѓаат и хотел, ресторани и многу дополнителни содржини.

Цветанка Христовска, бренд-менаџер на Тинекс, посочи дека нивна визија е „Македонско село“ да понуди врвна услуга, пријатен престој и незаборавно искуство со уникатни содржини низ кои се промовира македонската култура.

„Чест и задоволство, а истовремено и голем предизвик е што ја имаме можноста да стопанисуваме со овој уникатен комплекс каде секојдневно ќе се раскажува македонската приказна“, истакна Христовска.

Тинекс и хотел Квинс ќе стопанисуваат со комплексот „Македонско село“ во наредните 20 години.