Ви нудиме одлична рафаело торта во која ќе уживате заедно со семејството и вашите пријатели.
Состојки за кори:
- 8 белки
- 8 лажици шеќер
- 200 гр кокосово брашно
- 6 лажици млеко
- 6 лажици масло
- 4 лажици густин
- 2 лажици печиво
Состојки за жолт фил:
- 300 мл млеко
- 5 лажици шеќер
- 1 пудинг од ванила
- 150 гр путер
- 100 гр мелени лешници
Состојки за кафеав фил:
- 8 жолчки
- 8 лажици шеќер
- 1 кесичка ванила
- 150 гр чоколада за готвење
- 150 гр путер
- шлаг за декорација
Начин на подготовка:
- 4 белки изматете ги со 4 лажици шеќер. Кога пенесто ќе се измати додајте 100 гр кокос, 3 лажици млеко, 3 лажици масло, 2 лажици густин и една лажица печиво. Печете на 180 степени додека не се исуши горниот слој. Истото повторете го со остатокот од состојките. Кога корите ќе бидат испечени попрскајте ги со млеко.
- Ставете на оган 300 мл млеко со 5 лажици шеќер. Кога ќе проврие додајте го пудингот од ванила. Во изладената смеса додајте го путерот и 100 гр пропржени мелени лешници.
- Изматете ги 8-те жолчки со 8 лажици шеќер и една кесичка ванилин шеќер. Сето тоа правете го на пареа. Додајте 150 гр чоколада за готвење и продолжете со мешање додека смесата не се изедначи. Оставете ја смесата да се излади, а потоа додајте го путерот.
- Редете кора, па жолт фил, и најодозгора кафеав фил.
- На крајот може да ја декорирате тортата со шлаг и рафаело топчиња.
Верувајте сите ќе уживаат во вкусот!
Прочитај поврзани Gotvi.mk рецепти:
ВИДЕО: Рецепт за еклер чоколадна торта која не се пече
ВИДЕО рецепт: Чоколадна бисквит торта која не се пече
За секоја прослава – Тигар торта
ВИДЕО: Рецепт за домашна чоколадна торта од која застанува здивот
Вистинска уметност: Рецепт за солена торта
Фото: momdish.com