Летово бидете во топ форма: 3 намирници со кои ќе слабеете

Доаѓа летото, периодот во кој сите се трудиме да бидеме во топ форма. Температурите растат, пиеме повеќе вода, а потребни ни се и многу овошје и зеленчук. Ви претставуваме намирници кои треба да ги конзумираме во овој период и кои освен одличниот вкус, носат и многу благодети за нашето здравје.

ЛУБЕНИЦА
Освен што лубеницата има одличен вкус и е навистина освежителна за летните денови, исто така ни помага да бидеме во топ форма и да го сочуваме нашето здравје. Лубеницата содржи најголем процент вода, па така нема да погрешите ако вашите жед и глад ги изгаснете токму со ова овошје. Таа содржи и многу витамин А, витамин Б како и витамин Ц кои го чуваат нашето здравје.

ЈАГОДИ
Јагодите се едно од омилените видови овошје кај речиси сите луѓе. Освен што се вкусни, јагодите се и здрави за конзумирање. Содржат фолна киселина, па затоа се препорачуваат за трудници, а во себе содржат и други важни витамини како витамин Ц, но и железо, со што зајакнуваат нашиот имунитет. Јагодите се нискокалорични, па не мора да се грижите за вашата фигура додека ги јадете. Докажано е дека ја намалуваат депресијата, но и ризикот од други сериозни заболувања.

АНАНАС
Не залудно ананасот го нарекуваат крал на овошјето. Богат е со ензими, минерали и витамини корисни за нас и нашето здравје. Содржи калциум, калиум, магнезиум, јод, цинк, манган, витамин А, Е и Ц.  Тој го потикнува метаболизмот па затоа е одличен во борбата со целулитот и вишокот килограми.

Летото е дефинитвно период од годината кога можеме да уживаме во одлични вкусови и свежина на овошјето и зеленчукот, без да накачиме килограм плус на себе.