Нови правила за влез во Грција – Дали дојде крај на „патлиџан“ туризмот?

Јајца, смрзнато месо, полнети пиперки… ова се некои од работите кои грчките цариници им ги одземаат на српските туристи.

„На почетокот на мај тргнавме на семеен одмор во Грција. На граница цариниците ни го запленија целиот рачен фрижидер каде имаше смрзнати пиперки и месо“, се пожалил за српските медиуми еден Србин.

По оваа рекација се јавиле уште неколку Срби кои изјавиле дека целата храна им била запленета на царина.

„На нас ни ги земаа салатите, а на пар пред нас им земаа пакет со вода“, објаснува патникот за српски Блиц. Некои туристи изјавиле дека има ја одземале само храната која не била вакумирана.

Досега ниту еден Македонец се нема пожалено на ваков проблем, но сепак бидете внимателни каква храна носите кога патувате во Грција бидејќи според законите на ЕУ, забранет е внес на секој прехрамбен производ произведен надвор од ЕУ и не е вакумиран.