Салата со рукола и пилешко

Салата со рукола и пилешко

Written by on in Предјадења, Салати

Не само што ќе откриеме премногу добар рецепт за салата, туку Шеф Marc De Jongh за време на часовите по готвење во рамките на проектот Кулинари. ни открива рецепт и за маринада за пилешко месо, како и одличен рецепт за дресинг за салата. Уживајте и задолжително направете ја оваа салата 🙂

Состојки за 1 порција:

  • 170 гр пилешки гради
  • 1 китка рукола
  • 20 гр сончоглед
  • 20 гр семки од тиква
  • 1 супена лажица сок од лимон

Состојки за маринада за пилешко месо:

  • 1 лажица соја сос
  • 1 лажица маслиново масло
  • крупна сол
  • црн бибер
  • 1 гранче босилек
  • 1 гранче магдонос
  • 1/4 китка власец

Состојки за дресинг за салатата:

  • 1/2 лажица мед
  • 1 лажица сенф
  • 1 лажичка балсамико
  • 1 лажичка маслиново масло
  • 1/4 крупна морска сол
  • 1 гранче босилек
  • 1 гранче магдонос
  • 1/4 китка власец

За подготовка на овој рецепт потребно е и тава, длабок сад и жица за матење.

Начин на готвење:

  1. Исечкајте го пилешкото месо на тенки ленти и маринирајте во длабок сад со соја сос, маслиново масло, сол, бибер, како и ситно сечкан босилек, магдонос и власец. Пилешкото треба да отстои 20 минути во маринадата. Внимавајте со посолувањето бидејќи соја сосот е исто така солен.
  2. На загреана тава го пропржувате пилешкото месо. Откако ќе се испржи го тргате во чинија.
  3. Следен за подготовка е дресингот: во длабок сад ставаме мед, сенф, балсамико, маслиново масло,сол и ситно сечкан босилек, магдонос и власец. Промешуваме додека смесата не стане компактна.
  4. Во длабока чинија за салата го ставате дресингот, ја сечкате руколата на покрупно и ја додавате во чинијата. Ги додавате сончогледот, семките од тиква и пилешкото. Одозгора на салата го додавате сокот од лимон, промешувате и декорирате по желба.

Добар апетит!

Повеќе информации за часовите за готвење во рамките на проектот кој го спроведува Здружението за социјални иновации „АРНО“ прочитајте тука: https://gotvi.mk/2016/04/28/naucete-da-gotvite-so-profesionalni-gotvaci/. За начинот на пријавување на часовите по готвење кои се одржуваат во средното училиште за угостителство и туризам „Лазар Танев“ повеќе детали прочитајте тука: https://www.facebook.com/coolinari.mk/

Прочитај поврзани Gotvi.mk вести:

Полнети тиквици

Рости од компир

Шеф салата

Дресинг за Шеф салата

Таљатели со зеленчук

Пржена банана

Pad Thai со пилешко

Еве што научивме на часовите по готвење со Фичо

Цезар салата + 2 рецепта за дресинг соса

Свежа салата која топи килограми и ја враќа концентрацијата

Топ 5 рецепти за пролетни салати со марула

Неодолива крем салата