Полнети погачици

Полнети погачици

Можете да ги приготвите за било која прослава или детски роденден. Одлични се во секоја комбинација.

Состојки:

  • 400 гр Екстра бело брашно тип 400 од Жито Лукс
  • 250 гр путер
  • 1 јајце
  • 2 жолчки
  • 1,5 лажичка сол
  • 1/2 лажичка шеќер
  • 200 гр варени пасирани компири
  • 1/2 квасец
  • 250 мл млеко

Начин на подготовка:

  1. Во посебен сад ставете го квасецот да нарасне заедно со млекото и шеќерот.
  2. Во друг сад ставете ги брашното, солта,  пасираните компири,  путерот,  едно цело јајце и една жолчка. Додајте ги млекото со квасецот замесете додека не се добие хомогена смеса. Тестото се става во фрижидер да отстои еден час.
  3. Од тестото се расукува кора, се сече на коцки (5x5cm). По желба може да се стави фил од испржено месо, сирење измешано со јајце или друго по избор.
  4. Така наполнетите коцки се затвораат и се прават во вид на топчиња. Се редат на тава подмачкана со масло и се оставаат да отстојат 20 мин за да нараснат.
  5. Се премачкуваат со жолчка и се наросуваат со сусам или ким по желба. Се печат на 220 Степени сé додека не поруменат.

На здравје!

Екстра бело брашно тип 400 Жито Лукс