Нов пица рецепт на Ана, овојпат за домашна пица капричиоза. Еве го рецептот:
Состојки за подготовка на тесто:
- 500 гр брашно
- 3 мали лажици сол
- 2 големи лажици шеќер
- 1 квасец или прашок за печиво
- 200 мл вода
- 50 мл млеко
- масло за готвење
Од состојките замесете го тестото додека не добие мазна и тркалезна форма. Оставете го во сад да стаса околу 1 час.
Состојки за фил за пица:
- 250 гр кашкавал ило моцарела
- 150 гр шунка
- 50 гр свежи печурки
- 50 гр маслинки
- кечап или доматен сос
- пченка (по вкус)
Начин на готвење:
- Тестото го расукуваме во правоаголно или округло тавче. Премачкајте го со кечап или доматен сос по целата површина.
- Кашкавалот го рендаме, а шунката која е претходно исечена на тенки парчиња, дополнително ја делиме на половинки. Печурките убаво ги миеме и ги сечеме на тенки парчиња. Маслинките ги чистиме од семки и ги сечкаме на кругциња. Ана за овој рецепт употребила ајдамет Интерлат и шунка на Пекабеско.
- Врз расуканото тестото редиме по следниот редослед: половина од кашкавалот, шунка, маслинки, печурки и втората половина од кашкавалот. По вкус, можете да додадете и малку пченка.
СОВЕТ: Ана вели дека замрзнатата пченка не мора да се вари, туку само да се промие под млаз топла вода и да се употреби за оваа многу вкусна пица.
Прочитајте поврзани рецепти:
Детски роденден? Еве брз и вкусен рецепт за мини пици
ВИДЕО: Пица која се прави во филџан за неколку минути
Посно и вкусно: Фурнарини за 1 минута