Полнет модар домат во фурна

Полнет модар домат во фурна

Многу зеленчук и мешавина од вкусови. Одлично предјадење кое Gotvi.mk ви го препорачува за вашиот ручек или како лесна вечера.

Состојки:

  • 2 модри домати
  • 2 домати
  • 2 парчиња млад кромид
  • 3 чешниња лук
  • 2 зелени благи пиперки
  • сирење
  • магдонос
  • семки од тиква
  • маслиново масло

Начин на готвење:

  1. Модриот домат се сече на половина. Се длабат двете парчиња и се ставаат во загреана рерна на 200 степени откако претходно се посолени и попрскани со маслиново масло. Печете ги додека да омекнат.
  2. Ситно се сецкаат пиперката, кромидот и лукот и сето тоа се меша за да добиеме фил за полнење.
  3. Се додава сол и бибер и се полнат модрите домати со овој фил.
  4. Откако ќе се наполнат се враќаат во рерната да се печат уште 10-тина минути.
  5. Во меѓувреме доматот се сецка на ситни коцки, се додава магдоносот се посолува.
  6. Доматот и магдоносот ги додаваме на модрите домати, ги враќаме во рерна и печеме додека да омекне црвениот домат.
  7. Откако ќе биде испечен, модриот домат го вадиме од рерна и го додаваме ренданото сирење и семки од тиква врз секое од парчињата.

Повеќе рецепти со зеленчук тука

На здравје 🙂