Вистински специјалитет и многу вкусно во секоја комбинација. Еве што ви е потребно за да ги направите овие сочни и вкусни ќофтиња.
Состојки:
- 750 гр јунешка кртина мелено месо
- 1 јајце
- 1 кромид или млад кромид
- 1 мала шолја презла
- 1 мала шолја кисела вода
- сол и бибер
- магдонос по вкус
Начин на готвење:
- Излупете и ситно исецкајте го кромидот. Изматете го јајцето со вилушка. Од магдоносот користете ги само ливчињата и тоа ситно сецкани.
- Сите состојки се мешаат убаво.
- Формирајте мали ќофтиња и пржете ги во тава.
- Сервирајте со компир/пире и свежа салата.
Совет за компактна смеса и сочен вкус на сите ќофтиња: Прво, измешајте ги во посебен сад сите состојки, освен месото. Потоа додајте го и месото и убаво измешајте додека сè убаво не се соедини.
Готви со љубов и уживај во храната 🙂