К’тмер со спанаќ и урда

К’тмер со спанаќ и урда

К’тмерот (пита) е многу вкусен македонски деликатес кој по избор можете да го направите со спанаќ, зелка или праз… Уште еден превкусен специјалитет на Јелица! Еве го нејзиниот рецепт:

Состојки:

  • 1 кг наменско брашно
  • 600 мл вода
  • 1 коцка квасец
  • 1 супена лажица сол
  • 1 мала лажичка шеќер
  • маргарин
  • рукола
  • урда
  • спанаќ
  • ким

Начин на готвење:

  1. Од првите 5 состојки се меси тесто кои се дели на 6 топчиња.
  2. Секое топче се расукува на кори кои се премачкуваат со маргарин или свинска маст и сè се поклопува со друга кора.
  3. На овој начин добиваме три кори. Од секоја се прави голема кора, се става во плех кој е претходно намачкан со масло за готвење. Се пропрскува со масло.
  4. Откако ќе се стави втората кора се додаваат урдата и спанаќот и се покриваат со третата кора.
  5. На крај се премачкува со јајце и се додава ким.
  6. Се остава да нарасне околу 40 минути, се сече на парчиња и се става во претходно загреана фурна да се пече 35-40 минути на температура од 200 степени.

Кликни тука за рецепт за К’тмер со праз

Кликни тука за линк до рецепти за буденици

Готви со љубов и уживај во храната!