Направете вкусни киндер колачи кои ќе ви станат новиот омилен рецепт.
Состојки:
- 5 јајца
- 5 лажици брашно
- 1 лажица ванилин шеќер
- 2 лажици какао
- 1 прстофат прашок за пециво
- 5 лажици шеќер
- 250 мл. слатка павлака
- 1 шлагфикс
- 2 лажици мед
- 1 ванилин шеќер
Подготовка:
- Се матат белките во снег.
- Се матат жолчките со шеќер, се додава брашно, какао и прашок за пециво, се мати да се добие убава и лесна смеса.
- Се додаваат 3 лажици од белките, се меша, па се додава и остатокот белки во смесата со жолчките.
- Се става на хартија за печење на голем плех и се рамни, па се пече на 180 степени 10 минути.
- Се лади, па се сече на пола.
- Се мати павлаката со шлагфикс да се направи шлаг, се додава ванилин шеќер и мед(кој треба да биде течен).
- Се премачкува едната половина од бисквитот, па се става другата половина од бисквитот горе.
- Се остава во ладилник 2-3 часа.
Добар апетит!