Наместо класичната варијанта со мелено месо, испробајте го и овој начин на полнење и ќе подготвите царски деликатес со фантастичен вкус.
Состојки:
- 1 кг пиперки за полнење
- 1 праз
- масло
- 100 гр варен ориз
- 200 гр шампињони
- 1 лажица ајвар
- 1 рендан морков
- домат за затварање
- зачин
- бибер
- сол
Начин на подготовка:
- Празот исечкајте го тенко, морковот изрендајте го, а шампињоните исечкајте ги на ситни листови. Во тенџере ставете 50 мл масло па пропржете, додајте ориз, бибер, 1 лажица ајвар, сол и малку зачин. Може и сечкан магдонос. Пиперките измијте ги и исчистете ги од семки, па наполнете ги со фил.
- Затварајте ги пиперките со кругови домат или листови компир. Пиперките редете ги во плех, намастете од горе и ставете во рерна. Печете на 200 степени околу 40 минути.
Добар апетит!
Поврзани вести на Gotvi.mk
Брзи домашни пирошки со зденка и маслинки
Рецепт за брза даска кога ќе ви се најават гости
Рецепт за 2 брзи соса за чипс и други грицки
Рецепт за брзо мезе за ненајавени гости
Рецепт за највкусни посни и интегрални грисини тука