Со компир подготвен на овој начин, убаво оди доматна чорба.
Состојки:
- 500-600 гр компири
- 1 главица кромид
- 50 гр ориз
- сув зачин
- сол
- мелен бибер
- масло
Начин на подготовка:
- Компирите исчистете ги и исечкајте ги на тенки кругови. Посипете со сув зачин или само посолете, побиберете и добро измешајте.
- Кромидот исечкајте го на кругови, а оризот добро измијте го. Намастете тепсија со масло, па на дното ставете половина од компирите. Преку распоредете кромид, а преку кромидот измиен ориз.
- Преку оризот ставете го вториот дел од компирите. Залијте со масло и ставете вода да го прекрие оризот. Печете на 220 степени околу 50 минути, убаво да порумени.
Добар апетит!
Деталите за подготовка погледнете ги во ВИДЕО РЕЦЕПТОТ на „Бабина кујна“: