Ако не сте пробале пита со модар патлиџан, еве вкусен рецепт…
Состојки:
- 500 гр кори за пита
- 1 поголем патлиџан
- 1 средна главица кромид
- 1 морков
- 1 чешне лук
- листови магдонос
- 50 мл масло
- 50 мл вода
- сол
- бибер
- 1 јајце
- 200 вода за премачкување на корите
- 50 мл масло за премачкување на корите
- 200 мл кисело млеко или павлака за премачкување на питата
- малку сол
Начин на подготовка:
- Издинстајте кромид на масло, додајте сечкан морков и вода. Крчкајте 3 минути па додајте излупен и исечкан патлиџан, сол, бибер, магдонос. Крчкајте околу 7 минути. Оставете да се излади па додајте разматено јајце.
- Премачкајте 2 кори со премаз од вода и масло, на третата кора оди фил. Замотајте во облик на полжав или наредете во тепсија. Премачкајте ја питата со прелив за кори и оставете да стои 15 минути.
- Печете околу 30 минути, прелијте со разматено кисело млеко и вратете во рерна на 5 минути.
Добар апетит!
Деталите за подготовка погледнете ги во ВИДЕО РЕЦЕПТОТ на „Шерпица“:
Сигурно не сте пробале: Направете солени рафаело бомбици
Похован кромид со кашкавал – идеално мезе за со пиво
ВИДЕО: рецепт за потпечен полнет компир
Хот-дог шпагети: Одличен рецепт кој и дете може да го направи