Црни или зелени маслинки?

Многумина можеби не знаат, но црните маслинки се само – зрели или презрели зелени маслинки. Тие се берат во ноември и декември, за разлика од зелените кои се берат месец-два порано.Што подолго маслинката зрее, нејзината боја се менува: од зелена до црвена, а потоа на ред доаѓаат темните тонови на виолетова боја, односно она што на крај го нарекуваме – црни маслинки.

Зелените маслинки имаат покомактно и посочно месо, а по вкус се посвежи и послатки. Црвенкастите се собрани точно во време на зреење, а црните би можете да се наречат презрели.

Што потемни се маслинки, месото им е помеко, а вкусот поинтензивен и горчлив. Црните маслинки даваат масло со златна боја, со помалку горчиња, но самиот плод, кога веќе ќе созрее, има помалку антиоксиданси.