Направете вкусни солени мафини.
Ова се мерки за 36 мафини.
Состојки:
- 5 јајца
- 1 лажиче сол
- 120 мл. масло
- 500 мл. јогурт
- 200 гр. пченкарно брашно
- 100 гр. бело брашно
- 1 прашок за пециво
- 200 гр. сирење
- 150 гр. шунка за фил
- 150 гр. спанаќ или блитва
Подготовка:
- Се става вода во шерпа да врие, се става спанаќот или блитвата и се вари 2-3 минути.
- Се цеди, мие со ладна вода и се сече.
- Се матат јајца со сол и масло и јогурт, се додаваат двата вида брашно и прашок за пециво и се меша со жица да нема грутки.
- Се става ситнетото сирење, ќе има мали грутки од него.
- Се загрева рерна на 200 степени и се сече шунката ситно.
- Се става во смесата и се меша, па се става од смесата во подмачкани калапи за мафини до пола.
- Се печат 25 минути.
- Инаку, во смесата може да си ставите било што освен шунка и блитва, ајвар, печеница, кулен, колбаси, кашкавал…