Подгответе здрава и вкусна чорба од риба.
Состојки:
- 500 гр бела морска риба
- компир
- морков
- 1 главица кромид
- 1 корен магдонос
- ловоров лист
- бибер во зрно
- сол
- 1 лажица концентрат од домати
- 2 чешниња лук
- 100 мл бело вино
- 1 лимон
- гранче целер
- листови магдонос
- 50 мл маслиново масло
Начин на подготовка:
- Исчистената риба, исечканите морков, магоднос, кромид и компир ставете ги да се готват во ладна вода заедно со ловоров лист, бибер во зрно и сол. Додајте листови целер и малку маслиново масло. Оставете лесно да се готви околу 15 минути.
- Извадете ја рибата, отстранете ги коските и исечкајте ја. Супата процедете ја, извадете го ловоровиот лист, зеленчукот изгмечете го и вратете го во супата заедно со рибата. Додајте концентрат од домати, вино, лук, останатото масло па заедно кратко гответе. На крај побиберете и додајте сок од лимон и магдонос.
Добар апетит!
ВИДЕО: Како да направите крцкави компири на шведски начин
ВИДЕО рецепт: Ќофтиња од компири и туна