Необична мусака од грав и јајца

Прво ова јадење ќе ви се чини необично, но кога ќе го пробате ќе бидете изненадени од богатиот вкус.

Гравот згответе го, процедете го и испасирајте, добро посолете и побиберете. Сварете 5 јајца, излупете ги и исечкајте ги на кругови. Сирењето изрендајте го.
Во намастен огноотпорен сад наредете на дното половина од гравот, преку наредете кругови јајца, посипете со рендано сирење и залијте со врел путер. Потоа прекријте со останатиот грав.
Мусаката залијте ја со разматени јајца, павлака за готвење, млеко и малку сол. Печете во рерна на 200 степени околу 30 минути.

Добар апетит!