Подгответе вкусен ручек од компири кој ќе го обожавате!
Состојки:
- 300 гр мелено месо
- 200 гр кромид
- 1 кг компири
- 2 јајца
- 200 мл кисела павлака Пекабела
- 3 дл млеко
- 1 дл масло
- малку сол
- бибер
Начин на подготовка:
- Ситно исечканиот кромид пропржете го на масло. Додајте мелено месо и динстајте додека не испари водата која ќе ја испушти месото. Тавата тргнете ја од оган, додајте сол и бибер и добро измешајте.
- Компирите исчистете ги, измијте ги и изрендајте ги. Додајте месо и добро измешајте. Смесата ставете ја во намастена тепсија.
- Разматете јајца, млеко и павлака и рамномерно прелијте преку компирите и месото. Печете на 200 степени околу половина час, или додека компирите не поруменат.
Добар апетит!