Ако постите, почекајте да помине Велигден, бидејќи ова јадење нема посна варијанта.
Состојки:
- 1 главица свежа зелка
- 1 главица кромид
- 500 гр мелено јуншеко месо
- 400 мл јогурт
- 2 јајца
- 1 лажица мешавина од зачини
- масло
- сол
- мелен црн бибер
Начин на подготовка:
- Кромидот ситно исечкајте го и пржете го во тенџере на загреано масло. Кога кромидот ќе омекне, во тенџерето додајте мелено месо.
- Во посебен сад разматете јајца, додајте мешавина од зачини, посолете, побиберете, мешајте со жица за матење и постепено додавајте јогурт. Кога месото ќе се испржи, во тенџерето додајте сечкана зелка.
- Кога зелката ќе омекне, тргнете од шпорет. Огноотпорен сад намастете со масло, па во него префрлете ја смесата со зелка и прелијте со мешавина од јајца.
- Запечете 15 минути во рерна загреана на 190 степени.
Добар апетит!