Направете вкусни ќофтиња во сос од четири вида лук.
Состојки:
- 300 гр. мешано мелено месо
- 1 јајце
- 1 кришка бајат леб
- ½ главици кромид
- 2 чешни лук
- 3 лажици масло
- сол, вегета и бибер
Сос:
- 3 главици кромид
- 2 главици црвен кромид
- 5 чешни лук
- ½ струка праз
- 2 моркови
- 2 лажици брашно
- 3 лажици кисела павлака
- 1 лажица магдонос
Подготовка:
- Се меша меленото месо со сите зачини, сечени кромид и лук, јајце и ронета кришка леб која ќе ја натопите во малку вода.
- Се меша се убаво и се прават ќофтенца.
- Се пржат на загреано масло.
- Се ставаат на хартија да се исцедат.
- Се сечат кромидот со црвениот кромид, празот и лукот за сос. Се сече и лупениот морков и се додаваат во маста во која сме ги пржеле ќофтињата.
- Се додаваат зачини и се динста 3-4 минути, па се додава брашно, се става малку вода и се динста 10 минути.
- Се додаваат ќофтињата, ако е потребно ставете уште вода.
- Се остава 10 минути да се динста и се додава на крај и киселата павлака со магдонос, се меша се соединува и се служи топло.