Многумина советуваат да во јадењата не се ставаат никакви готови зачини, бидејќи често содржат големи количини вештачки адитиви, ароми и бои.
Сепак, јадењата не се исто вкусни ако во нив не додадете мешавина од зачини. Сепак, најздравата и највкусна варијанта е токму онаа која ќе ја направите сами во својата кујна.
Состојки:
- 2 кг пиперки
- 1 кг моркови
- 1/2 кг корен магдонос
- 1/2 кг кромид
- 1 корен од целер со средна големина
- 1 поголем корен пашканат
- 750 гр сол
- 750 гр масло
Начин на подготовка:
- Зеленчукот измијте го и исчистете го. Сомелете го на машина за месо или во блендер. Во масата додајте сол и масло па добро измешајте.
- Од оваа маса се добиваат 5 тегли зачин. Оставете го на ладно место до употреба. Нема потреба да додавате никаков конзерванс, бидејќи солта и маслото добро конзервираат.