Иако мислите дека тоа е невозможно, просечната македонска домаќинка знае од килограм месо да направи чуда…
Еве предлог како од килограм месо да направите 3 ручеци!
Рецептот за фаширани шницли од прилика оди вака:
Земете килограм месо и половина одвојте и оставете го на страна. Во другата половина додајте 1 јајце, ситно сечкан кромид, две чешниња лук, две парчиња леб (потопете го во млеко, процедете па издробете ги во месото), сол и бибер.
Смесата добро измешајте ја па правете топчиња. Готовите топчиња развлечете ги на кујнска фолија во шницли па наредете ги на тацна и ставете ги во фрижидер да смрзнат. По потреба вадете ги заледените шницли од замрзнувач и пржете ги на тава.
Другата половина од месото повторно поделете ја на два дела. Во едниот дел додајте 2 главици кромид, 2 компири па направете пита со месо (готовите кори пропрскајте ги со кисела вода и масло па додајте направен фил. Кога убаво ќе ги свиткате, ставете ги во плех и печете ги на 200 степени околу половина час).
А оној остаток од месото искористете го за шпагети болоњезе (додајте уште и кромид, морков и доматен сос) и ете ви готов ручек.
Еве што научивме на часовите по готвење со Фичо