Љубителите на месо ќе уживаат во сочните парчиња вкусно говедско месо во црвено вино.
Состојки:
- 1 лажица маслиново масло
- 200 гр јунешки шницли
- 1 мала главица кромид
- 1 чешне лук
- прстофат оригано
- 1 чаша црвено вино
- 200 гр сечкан домат
Начин на подготовка:
- Загрејте маслиново масло на тава. Пропржете ги шницлите околу 2 минути, додека не добијат убава боја од двете страни. Извадете ги шницлите од тава, а потоа во тавата ставете сечкан кромид, ситно сечкан лук и оригано. Пржете околу 5 минути.
- Во пропржениот кромид додајте домат и вино и оставете да се крчка десетина минути. За тоа време исечкајте ги шницлите на коцки, па додајте ги во тавата и добро измешајте. Кога ќе ги ставите коцките месо, оставете да се крчка. По желба, послужете со тестенини или пржени компирчиња.
Добар апетит!
Еве што научивме на часовите по готвење со Фичо